TERRITORIO NIDO

Creación de bandexa con técnica nido

Data: ´Sábado 31 xaneiro en Casa Maria (Abengondo)

Sábado 28 de febreiro en Espazo a Maceta (Muros)

Prazas: 9 prazas máx. por grupo

Público: Adulto +14 (non é preciso experiencia previa) Posibilitase que as familias `poidan asistir acompañadas das súas crianzas.

Aportación: 40€ (materiais e ferramentas incluidas) Para reservar a praza é necesario ingreso de 15 € nos datos que se facilitarán por mail. O resto do pago realizarase o mesmo día do curso.

+ Info e inscricions:

pacienciaespazo@gmail.com

Este taller propón unha escoita atenta do territorio a través dun xesto esencial: crear niños como o fan as aves. Observaremos como elas colleitan, seleccionan e entrelazan fibras da contorna para construír refuxio, coidado e permanencia. O seu facer non separa corpo, materia e lugar: todo ocorre en relación.

Traballar con fibras vexetais locais é unha forma de aprender do territorio dende a práctica, recoñecendo en cada material a súa orixe, a súa resistencia e a súa memoria.

🪺Como as aves, tecemos respondendo ao que a contorna ofrece, deixando que a forma emerxa do diálogo entre mans e fibras, e dando espacio a unha linguaxe compartida entre especies.

O taller exponse como unha experiencia ritual de observación e facer, onde o territorio é mestre e materia á vez. Tecer un niño é, neste contexto, unha forma de habitar o lugar, de practicar o coidado e de recoñecer a nosa pertenza vivamente.

Sobre quen facilita esta actividade

Beatriz Asorey

Deseñadora, traductora de ideas e Formadora

Recolecto materiais e saberes arredor das fibras vexetais, aprendendo doutra xente man a man, o que me vai otorgando un profundo coñecemento tanto do mundo natural que me rodea como de min mesma.

Cheguei ao meu insterese pola cestería fará uns 17 anos cando coñecin a Carlos Fontales, docente e investigador que me adentrou no interesante mundo da cestería popular. Dende aquela continuei a formarme pola miña conta aprendendo con moita xente con bo saber facer e ganas de compartir, dandome conta que esta é unha disciplina lenta na aprendizaxe e da que contamos con escasos rexistros documentais.

Interesame poñer foco nas técnicas, coñecer os materiais que temos máis próximos, recolectalos con consciencia e procesalos para autoabastecemento. Tamén transmitir como a partir da técnica, a repetición e a intenci´ón nos fusionamos co que estamos a crear , punto do que nacen sempre as pezas máis fermosas.

Dende a miña actividade profesional como deseñora retroalimento este espazo da formaci´ón coa finalidade de conectar coa capacidade creativa que existe en cada persoa e ser unha trasmisora.

IG Beatriz Asorey