Espacio para a experimentación libre arredor das técnicas de cestería con diversas fibras vexetáis.  O obxetivo no que están baseadas estas xuntanzas é o intercambio mutuo de coñecemento entre as participantes; investigando sobre materiais vexetais, repensando sobre o consumo, o autoabastecemento e o benestar que produce facer algo coas mans.

Aprenderemos de forma conxunta á identificación, a buscar materiais no entorno inmediato a seleccionalos e a preparalos. Atenderemos a formas libres ou máis estructuradas en función da estructura do grupo.

Queremos rescatar do rural os corrillos de creación, xa que permiten o intercambio interxeneracional, posibilitan conversas transversais e queremos que sexa un momento distendido e de relaxación dentro do ámbito urbano.  A maioria dos materiais son de produción local e están incluídos no prezo, así como as ferramentas básicas.