O taller ten como obxectivo introducir aos/as participantes na elaboración artesanal de esteiras utilizando diferentes fibras vexetais coa técnica ancestral do tear de pedras. Este mecanismo primitivo non é un tear ao uso, senón un dispositivo moi sinxelo no que as pedras actúan como pesos ou ancoraxes, permitindo xerar un tecido plano.

Contidos:

 - Identificación, selección e preparación de diferentes fibras vexetais.

- Montaxe do tear de pedras.

- Aplicación da técnica básica de entrelazado (cordado), atendendo á uniformidade do tecido.

Ao finalizar o taller, cada participante confeccionará unha peza (esteira, tapete, mantel, pantalla...) adquirido coñecementos suficientes para poder replicar o dispositivo e a técnica de xeito autónomo para as propias creacións.