PACIENCIA
PACIENCIA

MEMORIAS GR´AFICAS

como facer un relato memográfico con debuxos e palabras?

Data: Sábado 23 de novembro

Público: adulto 
Horario: 11:00 a 14:00(3h)
Situación: Espazo Paciencia. Santiago de Compostela
Aportación económica: 35€ 
Taller dirixido a calquera persoa adulta que teña curiosidade por aprender a relatar de modo gráfico e a experimentar outros modos de escoitar e mirar o que sucede ao noso arredor, recollendo memorias pasadas e presentes. Todxs sabemos debuxar! Exploraremos sen expectativas, soas e con outras.

Para este obradoiro pedirémoste que leves un obxecto de pequeno tamaño que sexa
significativo para ti; papel de fondo liso para debuxar e escribir, un rotulador negro de punta
fina ou media e rotuladores de cores, se tes por casa. Tamén disporemos de materiais no espazo.
As técnicas de relatoría gráfica empréganse para rexistrar, en directo, cousas que pasan a partir de debuxos e palabras. Na actualidade, é común ver a persoas relatoras rexistrando eventos de diversa índole como conferencias, congresos ou seminarios. Estas novas formas de documentación soen centrarse na persoa que rexistra, na súa técnica e no material resultante, máis non sempre incorporan as memorias das comunidades de persoas afectadas.

O obxetivo deste obradoiro céntrase en promover un espazo de conversa e de escoita,
mediado polo debuxo e a escritura, para afondar na relación entre oralidade, memoria e
debuxo a partir de técnicas como o relatograma ou o memograma.

A intención é:
1. Coñecer técnicas de relato gráfico.
2. Usar as técnicas para relatar memorias de maneira individual e con outras persoas.
3. Compartir as memorias gráficas nunha posta en común.
4. Dixitalizar os relatos gráficos e reflexionar sobre que queremos facer con eles.

É un convite a escoitarnos e escoitar, con atención e paciencia.
PACIENCIA

Sobre quien facilita este encontro

Adela Vázquez Veiga

É relatora gráfica, docente, investigadora e mediadora cultural. Viviu 18 anos en
Yucatán, México onde traballou como conservadora-restauradora, profesora
universitaria e mediadora cultural. Actualmente é codirectora do espazo de
creación cultural independente O Gabinete e cursa o doutoramento en
Protección do Patrimonio Cultural da Universidade de Vigo onde investiga
como abrir a relación entre patrimonio e procomún explorando novas prácticas
de arquivo da memoria social a partir da técnica do memograma.

https://adedoblev.hotglue.me/