PACIENCIA
PACIENCIA

Limerick

Peza microteatro de Alicia Rivela (texto, dramaturxia e interpretación) e Anuk Leandro (iluminación e son)

Data: sábado 20 de abril

Público: para público adulto (as crianzas son benvidas!)
Horario: 20:30 h. 
Aportación: Taquilla inversa
Situación: Paciencia Espazo. Rúa de San Pedro, nº 9 (porta azul) Santiago

SOBRE LIMERICK

O disparate é o non esperado, aínda que por veces agardado. A miña licencia poética é presentarme así, case sen previo aviso, nun momento denso e non por iso exento de vida e luz. Epiderme e fios soltos sen enchufe. O brado calado que estoupa. Esta é unha peza de arroutada, desexo e apertura. Este é un convite para ti. Correrei a cortina invisible do escenario, onde palco e altar son os lugares que consagramos no acto.

PACIENCIA

Alicia Rivela

A miña traxectoria teatral comenza en Buenos Aires - Arxentina; no ano 2004 na “Escuela de Teatro Malvado Colibrí”, desde entón traballo como actriz en diferentes pezas e performances. Complemento a formación realizando diferentes cursos de Clown, Voz e Teatro Físico. No ano 2010 realizo o curso de Teatro Social na ESAD de Vigo e no ano 2017 continuo formándome na “Escuela Laboratorio de Expresión Corporal Dramática” en Barcelona.

Proporciono diferentes obradoiros e sesións de teatro en escolas, festivais e centros.

Actualmente presentando o meu segundo solo teatral “Limerick”

Formada en Kundalini Yoga por KRI – Kundalini Institute Research no ano 2011.

O contacto máis profundo, liberador e gozoso comigo foi e é a través do teatro. O meu proceso de sanación é a través da arte. Como unha especie de rendición a min mesma, a miña realidade máis profunda.

Como se fose unha ferramenta cargada de potencia e maxia, o teatro abre un espazo que acolle con humor e amor as miñas luces, sombras, misterios, segredos e evidencias.

 

IG @ali_rivela

Video peza Limerick