Buaa, os baleiros que van deixando os mortos!!!

Ninguén fai as filloas como o meu avó as facía, ninguén me fai rir como o meu padriño o facía, ninguén me saca a tenrura como a miña tía, que en paz descanse. Imaxínaste que puidésemos atopar un tempo e un lugar para rescatar esas facetas perdidas e festexalas?

Na véspera de defuntos, en Paciencia, organizamos un espazo onde compartir aos nosos mortos, onde rescatar a súa memoria (e as súas filloas e as súas bromas e a súa tenrura) e a través do xogo e da arte, reconectar profundamente con eles. Usaremos o bailar e o pintar (non fai falla nin saber pintar nin bailar, aquí a ignorancia xoga a favor).

Durará unhas 2 horas e guiarao Wences Lamas, que ademais de ser artista e terapeuta é fillo e neto de funerarios.