PACIENCIA
PACIENCIA

CREACIÒN DE SELOS PARA ESTAMPACIÓN e FUROSHIKI

Data: Sábado 15 de decembro

Público: adulto 
Horario: 10:00 a 14:00  e de 16 a 20 h (8h)
Situación: Espazo Paciencia. Santiago de Compostela
Aportación económica: 100€ 
XORNADA DE MAÑÁ
Creación de selos. Materiais, tipos de valeirados e técnicas sobre papel
Aprende a crear os teus propios selos para poder estampar en calquer superficie de maneira manual.
Veremos exemplos de materiais e diferentes tipos de valeirado, tamén como pasar dun debuxo ao selo para conseguir o resultado desexado sobre un papel. Contaremos con moitas opciòns para copiar e inspirarse pero tamén podes levar as túas propias ilustracions ou ideas.
Non se precisan coñecementos previos, tan só moitas ganas de aprender.
A duración do taller será de 4 horas e inclúe un kit e pequeno almorzo.
O kit consta de:
*goma vinílica
*gubia
*estoxo de tinta
*breve guía de carvado de selos

XORNADA DE TARDE

Estampación sobre furoshiki de algodón e estudio de formas populares desta arte empregada para envolver obxetos para agasallo

Aprenderemos a estampar sobre tecido a través da creación dun Furoshiki de algodón. O Furoshiki é un tecido cuadrangular que se emprega en Xapón para envolver e transportar todo tipo de pertenzas.
Na primeira parte do taller veremos exemplos e estudiaremos diferentes tipos de composicions empregadas no mundo da estampación.
Contaremos con moitos selos e cores para elexir e/ou poderás empregar os teus propios.
Na última parte, falaremos desta arte milenaria, o Furoshiki, e veremos as formas máis populares de envolver obxetos.
Non se precisan coñecementos previos, tan só moitas ganas de aprender.
A duración do taller será de 4 horas e inclúe un kit e merenda.
*tecido  de algodón cuadrangular.
* selos preparados e tintas
*breve guía do Furoshiki
PACIENCIA

Sobre quien facilita este encontro

Xiana Cobo

Xiana Cobo aúna na marca que leva o seu propio nome todas as súas inquedanzas combinando dun xeito moi persoal o textil e a ilustración. Emprega técnicas contemporáneas como a estampación dixital e outras artesanías tradicionais como as manuais mediante bloques, o bordado ou a serigrafía.

Crea textís “souvenir” porque lle gusta a idea de redefinir, deste xeito, a categoría “lembranza”.

Ademais de colaborar para outras marcas na creación de estampados e deseños, tamén adica unha parte do seu tempo a impartir talleres de técnicas manuais de estampación e de bordado e compartir todo o coñecemento que atesoura.

IG Xiana Cobo

 

PACIENCIA